Bosnerau ye un grupo aragonés de mosica tradicional pirinaica. Se trata d’un sesteto que

achunta guitarra, baxo electrico, curdión, violín, percusions, gaita de bot aragonesa, y atros

vientos. Con una esclatera intinción trasfronteriza, a suya mosica ye basata en os soníus d’a

montanya.

O grupo mete en a suya replega cantas de baile y danza asinas como mosicas an mete o suyo

acento presonal ta cantar a la montanya y as suyas chents, interpretando lo Pirineo baxo o

suyo prisma particular. O resultau ye combinación de cantas que repasan os diferens chéneros

tradicionals, fendo como resultau un espectaclo relaxau, alegre y festivo. En as suyas cantas se

i troban saltos bearneses, mazurcas, valses, pasodobles, polcas y schottisch asinas como jotas,

palotiaus y pasacarreras aragoneses.

O repertorio eslechido asinas como os instrumens melodicos que fan servir (violín, curdión,

gaita de bot, pinfanos, flabuta y tamburin, chiflo y salterio,…) creyan o familiar y acochedor

ambien que ofrece a mosica d’a montanya. Con ixa cudiada combinación d’instrumens, o

esputador disfrutará d’un espectaclo que alenta a la simpla audición d’as cantas como a o

propio baile d’as mismas.

NUEVO DISCO – PLEBIA

O grupo amostra en ista añada 2015 o suyo nuevo treballo “Plebia”. O disco ye feito de 14

cantas, metiendo doce temas propios y dos versions de mosicas tradicionals. “Plebia” ye estau

grabau en os Estudios Luna Nueva de Zaragoza de a man de Kike Cruz en os meses de febrero y marzo de 2015

Bosnerau Folk grupo aragonés de musical folk.

web@javiagustin.com